全部文章
由最新一路追返舊文，車仔、戰術、球員同球壇話題全部收錄喺度。
共 115 篇
【球壇風向室】曼城115條終於有結果？逐個罪名講吓指控懶人包
「你講埋啲多鳩餘嘢，啲錢又唔係你出，BlueCo肯科水咪由佢科囉，理得佢使幾多。」 諗起每次講到車仔使錢，總會見到類似留言。老實講，我都明點解球迷會咁諗，畢竟早廿年，油王真係用錢用到無限金錢咁款，一時就舒夫真高一時又費蘭度托利斯，習慣咗，係好難返轉頭。但如果老闆俾得起就等於球會想…
【球壇風向室】新帥對手觀察區EP1 伊拉奧拿改變咗利物浦乜嘢
兩星期前見到利迷討論，伊拉奧拿上任之後，利物浦究竟有咩改變。 佢哋睇跑動距離，話迫搶其實無想像中咁強；又睇長傳次數，就話利物浦踢得直接咗。幾組數據本身未必有錯，但睇完硬係覺得，好似未完全講中場上發生緊乜。 我唔係利迷，對利物浦嘅理解肯定無長期追開嘅巴打咁深入。不過英超始終唔係單機…
【車迷觀點】五場過後車仔怒失N個死球 死球部門係呃飯食定真材實料
賓福特場波踢完，有巴打留言：「季初特登組成嘅死球部門，踢咗五場之後，究竟有無做到嘢？」 其實今季差唔多每場完場，無論車仔由死球入波定失波，鏡頭都總會影住場邊嗰位長髮兼留鬚嘅麥菲，然後留言區就開始有人讚、有人屌。無他嘅，成個教練團入面除咗沙比之外，佢個樣就最好認，我係球場Cam m…
【死因研究】白禮頓3：0阿仙奴 自爆只係死法白禮頓先係兇手
華文足球圈睇咗轉，對呢場白禮頓3：0阿仙奴嘅分析有但唔入肉，討論就幾乎走向三個極端：一邊話白禮頓踢到識飛、另一邊就話根本唔關對手事，純粹係阿仙奴今場特別廢、仲有一邊就單純笑鳩阿仙奴輸波。 本來我都無諗住踩過界。畢竟我唔係阿仙奴專頁，平時亦無可能場場追住兩隊去睇。但睇完直播，再望埋…
- 會員限定
（會員限定）【課金透視】英超 賓福特 3：0 車路士 個波運到前場，然後呢？
琴日嘅戰術覆盤，我話今場係沙比接手車路士之後，第一次真正意義上嘅大敗。當然，即刻有人喺留言話我中文差：「大敗唔係睇比數咁睇咩，唔通輸一球你會叫佢大敗咩，成日講埋啲古怪嘢。」 笑撚咗。我話大敗，唔係因為輸0：3，而係車路士由頭到尾都無搵到一套方法，逼賓福特改變防守方式。 課金DAT…
【球壇風向室】曼聯養咗四年都留唔住 JJ Gabriel風波究極懶人包
呢單嘢幾有趣。 我估有睇開足球新聞嘅巴打都有留意到。JJ Gabriel，係我本身已經有留意開嘅曼聯小將，上季14歲已經跳級踢U18，係曼聯青訓入面升得最快、亦係最接近變成SSR嘅小將。 早幾日佢先喺青年歐聯上演帽子戲法，正常劇本去到呢度，大家應該討論佢幾時完成一隊地標戰，甚至有…
【戰術覆盤】英超 賓福特 3：0 車路士 比數以外沙比車仔第一次嘅大敗
上場聯賽盃對列斯，車路士反Cup贏6：3，我最後嘅結語係：贏三球，唔代表真正大勝。今日就啱啱相反。 輸0：3，比數上當然係真正大敗。賓福特第二、第三球都係車路士壓上追平期間出現，最後一球更加去到補時尾聲先入。要幫隊波講好說話，大可以話場面無比分咁懸殊，只係落後後搏得太盡，先令賽果…
【賽前明燈】賓福特對車路士 今場先入波真係有用？
對唔住，我完全唔記得今晚有場波。 我一路見到「星期六凌晨三點」，個腦就自動翻譯成星期六深夜，即係星期日先踢。直到今日先醒起，凌晨三點之前嗰晚其實係星期五。多謝英超賽程再次提醒我，識睇日曆同識睇波原來係兩種獨立技能。結果今篇明燈就咁遲咗出，希望大家見到嗰陣場波仲未開……… 上場兩個…
【車迷觀點】受靶嘅保利時代終於完結 盤點肥Todd短暫嘅藍軍生涯
我先認衰仔。 過去幾年每逢講起肥Todd，我都有拎4-4-3出嚟抽水。堂堂車路士班主走去同杜曹研究十二個人落場，實在太好笑，唔用簡直對唔住自己。但當老闆內戰爆發之後，另一個版本先浮上水面：當日提出4-4-3嘅人，可能根本唔係肥Todd，而係艾格巴利。 如今車路士正式公布，清湖將收…
【車迷觀點】英冠冠軍升上英超即刻病發 林伯特無料定高雲程度唔夠？
上次寫林伯特，我用咗一個幾曖昧嘅形容：車迷最熟識嘅陌生前度。 熟識，因為佢係我哋嘅Super Frank；陌生，因為佢帶領高雲地利喺英冠踢出嘅主動控球、高位壓迫同強勁火力，同車迷記憶中嗰個防守失控、死球失到懷疑人生嘅林伯特，似乎已經係兩個人。 當時我仲幾浪漫咁問，佢係咪終於喺一個…
【球壇風向室】撕走「天才少年」嘅標籤 18歲耶馬其實去到咩高度？
早幾星期有巴打敲碗，叫我間中寫下非車球員分析。 問題係球壇咁大，我又唔係黃大仙，無理由有人嗌個名就即刻開壇作法。何況「邊個勁啲」、「邊個被高估」呢類問題，十次有九次都係各自帶觀點入場，最後由討論足球變成鬥邊個把聲大、人數多。 所以，不如轉個玩法。 今次我揀咗三名被數據網站分類為右…
- 會員限定
（會員限定）【課金透視】車路士 2：2 侯城 沙比差幾多先可以救足三分
上一篇戰術覆盤，我最後嘅判詞係：車路士唔係痛失兩分，係好彩先無失埋第三分。 課金DATA出咗，本來以為只係多幾組數字幫侯城背書，證實佢哋係黑馬又好係車仔垃圾又好，但拆開上下半場再睇，沙比似乎比我想像中更加積極改變場上情況。 車路士上半場踢得混亂，結果落後返入更衣室；換邊後的確搶得…
