(會員限定)【課金透視】新特蘭 1:0 車路士 點解對榜尾都踢得咁辛苦?

今篇文出遲咗,今次真係唔關瞓覺事。係我花多咗啲時間對比數據,因為有個位一直諗唔通,我估大家喺各大討論串同平台都見到呢種論調:新特蘭明明排榜尾,點解車仔對住榜尾,偏偏會踢得咁柒、咁辛苦?
用一句解釋其實好簡單:沙比廢囉。呢隻皇馬棄將垃圾到連榜尾都贏唔到………
好,屌完。跟住呢?
我上篇都嫌沙比開場嗰套唔啱用。問題係,佢半場真係有郁,二安入嚟之後右邊亦真係過到人,車仔甚至入多咗禁區。睇住個波明明愈行愈近,我竟然仲係一路覺得:屌,今場應該冇波入㗎喇。
所以今次想翻查嘅,就係二安過到第一個人之後嗰幾秒。車仔已經做到上半場做唔到嘅嘢,點解新特蘭仲守得咁舒服?
第三節,我擺到一個可以令大家 (至少我自己) 滿意嘅答案,敬請期待。
過到第一個,黑貓仲有第二個
睇返 60:32 呢個鏡頭:羅渣士喺中路送咗腳直線入禁區,成功搵到二安。呢下正正就係車仔上半場想做、但一直做唔到嘅配合:有人喺中間面向龍門派牌,亦有人識得喺傳球嗰刻斜線走入去接應。好喇,個波真係送到入去,跟住呢?

下一秒梅尼亞已經貼到埋身,再下一秒,Reinildo 直接埋嚟清走埋。由直線穿入禁區,去到成個攻勢被瓦解,前後只係兩秒。
新特蘭今場守得好,就係
