(會員限定)【課金透視】車路士 2:0 曼聯 紅牌之前沙比已經改變咗啲乜?

今場贏波,其實呢篇文有少少難寫。因為馬天尼斯嘅紅牌破壞咗比賽嘅結構,數據,變得無乜參考值價。
上一篇覆盤我將重點放喺把握力。曼聯上半場幾次唔收禮,羅渣士就自己帶入去完成,跟住馬天尼斯再送十二碼加紅牌,三分終於袋好。
但拆開課金數據再睇,有一段值得停低研究:換邊之後到紅牌之前,場上仍然係同一班人,車仔卻開始踢得順,曼聯上半場嗰種入肉嘅反擊亦少咗。沙比話半場叫球員用個波贏場比賽,咁佢究竟改咗啲乜?今場做得到嘅嘢,下場又留唔留得住?
另外,即時討論時有巴打話無論二安踢得好唔好,沙比都會俾人屌。踢得好,就屌沙比之前唔出;踢得差,就屌沙比唔識用同雪到佢硬晒。
我應承咗佢貼堂,所以今篇文會找數,順便講下我呢個二安迷,今場睇完有幾滿意,又仲有啲乜未放心。
二安值得更多機會,尼圖亦有佢價值
先回應巴打嗰句。作為二安迷,今場睇完當然想佢繼續有得踢。兩次將個波送入網,一次接應門將擋出嘅波補射,一次跑入身後射入網頂,雖然最後都越位,至少見到佢有能力去到門前,再完成埋門。
越位時機要執,呢啲部份值得繼續俾時間佢試。
佢今場亦有幫隊友製造機會。下半場傳中俾尼圖頭鎚嗰下,二安喺右邊處理,尼圖交完波再入禁區接應,最後逼到拉文斯撲救。嗰陣曼聯仲未少打一個,車仔已經用到佢嘅邊路供應。
數據計出二安今場有0.475 xT,係車仔最高;另外有5次前進帶波同8次禁區觸球。佢有能力將球權帶向危險位置,亦願意繼續走入禁區,呢啲都係而家車仔需要嘅嘢。不過,全場數字包含多打一人嗰段,判斷佢值唔值得更多機會,我會更加重視紅牌前已經做過嘅配合。
至於係咪已經應該場場取代尼圖,我仲有保留。
尼圖喺攻守轉換時嗰種速度,可以由後場一路衝返上前,亦可以喺失波之後立即回追。之前要佢兼顧Wing-back,雖然睇到我都有啲肉赤,但佢肯跑、跑得返,的確俾沙比多咗安排空間。
二安最吸引我嘅,係攞波之後可以做出幾多變化。輪到失去球權、要立即轉身跟人嗰部分,二安嘅反應同持續回追仍然未有尼圖咁令我放心。呢份保留要繼續睇,尤其場波仲係十一對十一、對手有能力攻返出嚟嗰陣。
所以今場之後,我想見到嘅係二安持續得到有份量嘅上陣時間。佢已經展示到自己可以威脅防線,再落去就要睇,呢啲威脅能否穩定出現,無球嗰份工作又可唔可以愈做愈好。
彭馬墮後,接通中場亦遠離門線
沙比賽後話,半場要求球隊用個波贏場比賽,重點係改善持球,減少將球權交返出去。佢亦確認改咗部分戰術細節,但無逐項公開。跟住呢個方向重睇,可以將注意力放喺
