（會員限定）【課金透視】愛華頓0：2車路士 尼圖兩球以外其他人做咗咩
有巴打留言，話留意到羅渣士連續兩場喺FPL嘅Defensive Contribution都係全隊最高，問佢係咪喺防守上幫咗好多手。
呢個問題幾有趣。今場尼圖入晒兩球，羅渣士最搶眼嗰下就係腳踭放波俾哈圖，平時追波、截波同返後幫手嗰啲工作，睇完90分鐘未必記得幾多。
我自己亦想知，佢今場對愛華頓，究竟多做咗啲乜。但………唔逐個EVENT跟根本就好難睇得出佢喺今場嘅工作，所以抱歉，呢篇唔止係回答網友提問，同時將球隊嘅改變寫下，羅渣士防守工作嘅內容變咗，位置亦有分別。跟住呢條線再睇，仲牽涉到神軒同卡些度今場點樣分工，幾樣嘢都值得拎出嚟傾下。
而因為有回答部份，今次課金透視第一節將會免費派街坊。
羅渣士今場，多咗截波工作
對般茅，羅渣士錄得1次Interception、4次回收同4次解圍；今場對愛華頓，就變成5次Interceptions、6次回收同2次解圍。
最明顯嘅變化，係佢更多參與截斷傳送，解圍工作反而少咗。
上場般茅不斷利用高波同第二點，羅渣士亦要退入禁區幫手。EVENT捕捉到佢55分鐘處理頭槌、57分鐘同80分鐘解圍，位置都相當接近自己龍門。嗰陣車仔已經被推返後場，佢要幫手處理送入嚟嘅波。
今場嘅工作分布就闊得多。
4分鐘，佢喺接近中線嘅左中路截回球權，再嘗試向前搵祖奧柏度；32分鐘退到自己禁區附近，截到Branthwaite吊入嚟嘅罰球，再交卡些度；34分鐘又喺自己半場左側截波，隨即加速向前。
同一個左路攻擊球員，一時要返禁區幫手，一時又要喺中場接管球權。佢今場幾次截波，令對手嘅傳送未去到下一個接應點，就先遇到車路士球員。
19分39秒嗰次，作用更加直接。尼圖右邊傳中，被Armstrong頂返出嚟，羅渣士喺前場左側接到第二點，立即交哈圖，車仔得以繼續進攻。呢段正正係覆盤提過，20分鐘附近嗰輪連續攻勢嘅其中一環。
羅渣士喺呢度做嘅，係留喺可以接住解圍嘅位置。隊友由另一邊送波入去，佢有準備處理落到自己嗰邊嘅下一腳，令愛華頓清走第一點之後，仍然要繼續守。
當然，截到亦有處理唔乾淨嘅時候。36分鐘，佢喺後場左邊攔到傳送，球權仍然留喺愛華頓嗰邊；47分鐘亦有一次同時被標記為回收同失球權。呢幾下幫球隊干擾咗攻勢，之後仍然要靠其他人繼續守。
兩場合計嘅防守動作，其實只係由9次增加到10次，今場亦踢得更長。所以最值得寫嘅變化，係羅渣士今場喺更多位置參與球權爭奪，尤其左路傳送同第二點。
無入波、無助攻，佢仍然有幾次將本來可以發展落去嘅對手攻勢截停，亦有幫車仔接返前場落點。FPL引起巴打注意嗰份工作，喺EVENT入面確實搵到痕跡。
搶返之後，神軒係老是常出現果個
羅渣士今場另一個