(會員限定)【課金透視】車路士 0:2 熱刺 有機領先但愈踢愈被動

上一篇覆盤,大大力屌完沙比,個人係舒服咗少少。然後我做咗一件對精神健康未必有益嘅事:將呢場 0:2 再睇足咗一次。
第二次睇,無咗即場嗰把火,反而睇到幾次車仔本來可以先入波嘅畫面。羅渣士、神軒,到下半場彭馬同尼圖連續起腳,睇到都仲會忍唔住諗:呢度入一球,之後會唔會唔同晒?
再拆開課金數據,最令我在意嘅,係上場對愛華頓先讚完嗰對中場。今場卡些度同神軒處理球權嘅位置一齊退後,傳送參與亦大幅減少,卡些度要做嘅防守工作卻多咗一大截。
幾次先手機會就咁錯過,另一邊熱刺又不斷搵到路向前。今次想平靜少少,睇清楚中間究竟發生咗乜,令車仔有機會先贏一球,場波卻始終踢得咁辛苦。
上篇課金透視感覺數據運用唔太好,我都改咗少少,保證值回票價。(好似係)
機會有過,下一次就要等好耐
重睇今場幾次埋門,有個共通點幾明顯:車仔好多時都係
