（會員限定）【課金透視】車路士5：1般尼茅夫　第一下攻唔成仍然有下一輪

「其實係般茅廢同車仔有運，車仔xG仲低過人哋。」、「對一支被拆骨嘅般茅，都可以開心到好似贏咗三冠咁。」

嗯，贏5：1都要先查清楚對手有無被拆骨、射術有無超額，先批准車迷開心。慶祝規則嚴過向我公司會計Claim錢………

般茅缺少史葛，車仔幾腳射門又確實靚得有啲誇張，所以大家要點睇，我唔太在意，反正三分已經袋咗。但如果想知沙比呢三個星期有無執過隊波，淨係望住五個入球或者一個總xG，似乎又漏咗啲嘢。

今次課金透視，我反而想由第四球之前嗰段開始睇。車仔第一次攻入禁區，個波已經俾人踢返出嚟。之後嗰半分鐘，先係我覺得值得開心嘅地方。