（會員限定）【課金透視】英超 賓福特 3：0 車路士　個波運到前場，然後呢？

琴日嘅戰術覆盤，我話今場係沙比接手車路士之後，第一次真正意義上嘅大敗。當然，即刻有人喺留言話我中文差：「大敗唔係睇比數咁睇咩，唔通輸一球你會叫佢大敗咩，成日講埋啲古怪嘢。」

笑撚咗。我話大敗，唔係因為輸0：3，而係車路士由頭到尾都無搵到一套方法，逼賓福特改變防守方式。

課金DATA出咗，最搶眼嘅未必係賓福特2.61對1.05嘅xG優勢，而係車路士全場11次射門，有7次未去到龍門面前已經被人封死。球隊最後一次射正更加喺30分鐘出現，之後即使控球、角球同前場人數不斷增加，Kelleher都無再需要撲波，可以坐低打一個鐘邊爐……

換句話講，車路士今場面對嘅問題可能唔係「臨門一腳差少少」。因為好多攻勢，根本未行到可以埋門。

車路士成功將個波由後場運過半場，亦成功長時間留喺賓福特禁區附近。問題係個波入到廠，成條生產線就停咗。

究竟係邊一個工序斷電？